ბრაზილიაში ავიაკატასტროფის შედეგად 4 ფეხბურთელი დაიღუპა

ბრაზილიაში მომხდარი ავიაკატასტროფის შედეგად მფრინავი, ბრაზილიის მე –4 საფეხბურთო ლიგის ერთ – ერთი გუნდის Palmas Futebol e Regatas– ის კლუბის პრეზიდენტი და 4 ფეხბურთელი დაიღუპა.

Palmas Futebol e Regatas კლუბის მიერ გაკეთებული განცხადების თანახმად, 6 ადამიანი დაიღუპა კერძო თვითმფრინავის ჩამოვარდნის შედეგად, რომელიც ქალაქ პორტო ნასიონალის ტოკანტისის საავიაციო ასოციაციის ასაფრენი ბილიკიდან დღეს ქალაქ გოიანიაში გასამართი მატჩისთვის აფრინდა.

„მწუხარებით ვიტყობინებით, რომ ავიაკატასტროფას ვერავინ გადაურჩა. ამ ტკივილისა და საშინელების მომენტში, კლუბი გთხოვთ, ილოცოთ ოჯახის წევრებისთვის, რომლებსაც საჭირო დახმარებას გავუწევთ“ -ნათქვამია განცხადებაში.

მფრინავის გარდა, კატასტროფის შედეგად დაიღუპა Palmas Futebol e Regatas-ის კლუბის პრეზიდენტი ლუკას მეირა (32) და ფეხბურთელები ლუკას პრაქსედესი (23), გილჰერმე ნოე (28), რანულე (27) და მარკუს მოლინარი (23).

ავიაკატასტროფის მიზეზების დასადგენად გამოძიება დაიწყო.