YAP-ი საპრეზიდენტო არჩევნებზე ალიევის კანდიდატურას წამოაყენებს

პარტია ახალი აზერბაიჯანის (YAP) თავმჯდომარის მოადგილემ, თაჰირ ბუდაგოვმა განაცხადა, რომ ისინი წარადგენენ აზერბაიჯანის ამჟამინდელი პრეზიდენტის ილჰამ ალიევის კანდიდატურას ვადამდელ საპრეზიდენტო არჩევნებზე, რომელიც 2024 წლის 7 თებერვალს გაიმართება.

ბუდაგოვმა აღნიშნა, რომ YAP-ის მმართველი საბჭო მალე შეიკრიბება და საპრეზიდენტო არჩევნებზე ალიევის კანდიდატურას წამოაყენებს.

აზერბაიჯანის პრეზიდენტმა ალიევმა ხელი მოაწერა განკარგულებას ვადამდელი საპრეზიდენტო არჩევნების 2024 წლის 7 თებერვალს ჩატარების შესახებ.

აზერბაიჯანში, სადაც საპრეზიდენტო არჩევნები 7 წელიწადში ერთხელ იმართება, ბოლო არჩევნები 2018 წლის 11 აპრილს გაიმართა.