პალესტინის მხარდაჭერის დემონსტრაცია სერბეთში

სერბეთის დედაქალაქ ბელგრადში გაიმართა პალესტინის მხარდაჭერის დემონსტრაცია, რომელშიც აკრძალვის მიუხედავად დაახლოებით 200 ადამიანი მონაწილეობდა.

მთავრობის შენობის წინ შეიკრიბნენ ინიციატივის "მხარდაჭერა პალესტინელ ხალხს - სერბეთი"-ს წევრები, მიუხედავად იმისა, რომ ბელგრადის პოლიციამ უსაფრთხოების მიზნით ნებართვა არ გასცა.

დემონსტრანტებმა გაშალეს პალესტინისა და სერბეთის დროშები და სკანდირებდნენ ლოზუნგებს: "თავისუფალი პალესტინა".

პალესტინის მხარდაჭერისა და სოლიდარობის დემონსტრაციის მონაწილეებს ეჭირათ ბანერები: „შეაჩერე ღაზის დაბომბვა, შეაჩერე ოკუპაცია“, „ისრაელი კლავს ბავშვებს“, „ბავშვების დაბომბვა არ არის ლეგიტიმური თავდაცვა“, „დაუყოვნებლივ ცეცხლის შეწყვეტა“.

დემონსტრანტები ასევე გაემართნენ ბელგრადში ბრიტანეთის საელჩოსკენ და გააკრიტიკეს ბრიტანეთის ისრაელის მხარდამჭერი ხელისუფლება.