რუსეთში ვერტმფრენი ჩამოვარდა, დაიღუპა 3 ადამიანი

რუსეთის ჩელიაბინსკის ოლქში Mi-8 ტიპის ვერტმფრენის ჩამოვარდნის შედეგად სამი ადამიანი დაიღუპა.

ჩელიაბინსკის გუბერნატორმა ალექსეი ტექსლერმა წერილობით განცხადებაში აღნიშნა, რომ რუსეთის უშიშროების ფედერალური სამსახურის (FSB) კუთვნილი Mi-8 ტიპის ვერტმფრენი რეგიონში ჩამოვარდა.

ტექსლერმა თქვა, რომ პირველადი მონაცემებით, შემთხვევის შედეგად 3 ადამიანი დაიღუპა და დაღუპულთა ოჯახებს მიუსამძიმრა.