საბერძნეთის კუნძულ კრეტაზე ძლიერი მიწისძვრა მოხდა

საბერძნეთის კუნძულ კრეტაზე, ლასითის რეგიონში 6,3 მაგნიტუდის სიმძლავრის მიწისძვრა მოხდა.

ათენის გეოდინამიკური ინსტიტუტის განცხადებით, მიწისძვრა ადგილობრივი დროით 12:24 საათზე მიწის ზედაპირიდან 8.2 კილომეტრის სიღრმეში მოხდა.

ჯერ-ჯერობით არ ვრცელდება ინფორმაცია იმის შესახებ, მოჰყვა თუ არა ნგრევა და მსხვერპლი მიწისძვრას.

მიწისძვრა ასევე იგრძნობოდა თურქეთის ეგეოსის სანაპიროზე.

ევროპა-ხმელთაშუა ზღვის სეისმოლოგიური ცენტრის (EMSC) ინფორმაციით, მიწისძვრა ძალიან ძლიერად იგრძნობოდა და იგი რამდენიმე წამს გაგრძელდა.

საბერძნეთის სახელმწიფო ტელევიზია ERT იტყობინება, რომ მიწისძვრა ძლიერად იგრძნობოდა დოდეკანესისა და კიკლადესის კუნძულებზე.