სირიაში ოპერაცია „ევფრატის ფარი“-ს რეგიონში კიდევ ერთი პოლიციელი დაიღუპა

სირიაში ოპერაცია „ევფრატის ფარი“-ს რეგიონში სეპარატისტული ტერორისტული ორგანიზაცია PKK/PYD-ს წევრი ტერორისტების მიერ ჯავშანმანქანაზე გუშინ განხორციელებული თავდასხმის შედეგად დაღუპულთა რიცხვი 2-მდე გაიზარდა.

შინაგან საქმეთა სამინისტროს განცხადებაში ნათქვამია, რომ თავდასხმა ტერორისტებმა თელ რიფატის რეგიონიდან მართვადი რაკეტით განახორციელეს ჯავშანმანქანაზე აზეზსა და მარეს შორის ოპერაციის ზონაში.

პირველ განცხადებაში ნათქვამი იყო, რომ თავდასხმის შედეგად სირიის მისიის ძალების სპეცრაზმის 1 პოლიციელი დაიღუპა და 3 დაშავდა, მათგან 1 მძიმედ.

შინაგან საქმეთა მინისტრმა სულეიმან სოილუმ სოციალურ ქსელში გამოქვეყნებულ გზავნილში განაცხადა, რომ სპეცრაზმის კიდევ ერთი დაჭრილი პოლიციელის გადარჩენა ვერ მოხერხდა და დაღუპულთა რიცხვი ორამდე გაიზარდა.