იმიტომ რომ 8 – 2024

იმიტომ რომ 8 – 2024

საყოფაცხოვრებო ნარჩენებს ვახარისხებ

გამარჯობათ ძვირფასო მსმენელებო. ჩვენ ვდგავართ პრობლემის წინაშე, რომელიც ეხება როგორც ჩვენს მომავალს, ასევე აწმყოს. დღეს ვისაუბრებთ გადამუშავების პირველ ეტაპზე, ნარჩენების დახარისხებაზე. ჩვენ შევეცდებით გაჩვენოთ, თუ რამდენად მნიშვნელოვანი ადგილი უჭირავს დიდ საკითხში პატარა ნაბიჯებს, როგორც გამონათქვამშია „ყველამ თავის კართან რომ მოასუფთაოს, უბანი სუფთა იქნებაო“.

მეორადი, მოძველებული ან გამოუსადეგარი ნივთებისა და ნარჩენების შეგროვების, მათ გადამუშავებისა და ამ მასალების ახალი პროდუქტების წარმოებაში გამოყენების პროცესს გადამუშავება ეწოდება. მსოფლიო მოსახლეობის რაოდენობის და ადამიანთა მოთხოვნილებების ზრდა მოითხოვს ყველა ნივთის წარმოებას, ნემსიდან ძაფებამდე, ძალიან დიდი რაოდენობით. თუმცა, აშკარაა, რომ ამ წარმოებისთვის საჭირო ნედლეული და ენერგია შეზღუდულია და რესურსების კლებასთან ერთად იგი ძვირდება. გადამუშავება, რომელიც შემუშავებულია ამ პრობლემის გადასაჭრელად, მიზნად ისახავს მთელი რიგი ღონისძიებების განხორციელებას, განსაკუთრებით რესურსების ეკონომიურად გამოყენებას და ბუნებისთვის რაც შეიძლება ნაკლები ზიანის მიყენებას. ამ პროცესის პირველი ნაბიჯი არის ნარჩენების დახარისხება.

პლასტმასის, მინის და ქაღალდის ნარჩენების, რომლებიც ყოველდღიურად გროვდება ჩვენს სახლებში ან სამუშაო ადგილებში, დახარისხების გარეშე გადაყრა იწვევს მრავალ პრობლემას. მათ შორის ერთ-ერთი მთავარია უზარმაზარი ნაგვის გროვების ზონების გაჩენა, განსაკუთრებით დიდ ქალაქებში. როდესაც ორგანული და არაორგანული ნარჩენები ერთად დიდი ხნის განმავლობაში რჩება, ისინი ატმოსფეროში მავნე აირებს გამოყოფენ. ნაგვის ტერიტორიების შესამცირებლად მნიშვნელოვანია მრავალჯერადი გამოყენებადი ნარჩენების ცალკე ადგილებში შეგროვება. მიუხედავად იმისა, რომ ამ სამუშაოს ორგანიზებას ადგილობრივი ხელისუფლება უზრუნველყოფს, ჩვენც, რომლებიც ვმონაწილეობთ ქალაქის ცხოვრებაში, გვაქვს პასუხისმგებლობა ამ პროცესში.

ენერგიის ძალიან მაღალი დონეა საჭირო ნედლეულის მისაღებად, საიდანაც მზადდება პლასტმასის, მინის და ქაღალდის პროდუქტები. გარდა ამისა, ამდენივე ენერგია იხარჯება ამ პროდუქტების საბოლოო სახით წარმოებისთვის. გამოყენებული მასალის ნედლეულად გამოყენება გამორიცხავს ენერგიის პირველი ეტაპის მოხმარებას. განვითარებული ტექნოლოგიით, გადამუშავებული მასალებისგან პროდუქტების წარმოება სულ უფრო და უფრო ნაკლები ენერგიით მიიღწევა. სახლში ნარჩენების ერთ ტომარაში შეგროვების მაგიერ მისი დახარისხება და ნარჩენების შეგროვების ყუთებში გადაყრა ნიშნავს ამ პროცესში წვლილის შეტანას. მოდით დავიწყოთ ჩვენი შეზღუდული რესურსების დაცვა ჩვენივე სახლებიდან.