მკურნალობა ბუნებრივი მეთოდებით 20-2022

მკურნალობა ბუნებრივი მეთოდებით 20-2022

პროგრამა მომზადებულია ექიმ მეჰმეთ უჩარის მიერ

თემა, რომელზეც დღეს გვინდა ვისაუბროთ არის მშრალი თვალის სინდრომი.

ჩვენ შეგვიძლია ჩამოვთვალოთ მცენარეული და ბუნებრივი საშუალებები, რომლებიც კარგია მშრალი თვალის სინდრომისთვის.

1. დამცავი სათვალეები უნდა იქნას გამოყენებული ქარიან ამინდში ან ცურვისას, რამაც შეიძლება გამოიწვიოს სიმშრალე.

2. ყოველდღიურად უნდა დალიოთ მინიმუმ 2 ლიტრი წყალი.

3. უნდა მიიღოთ ომეგა 3-ით მდიდარი თევზის ზეთი.

4. საჭიროა მოწესრიგებული ძილი.

5. ვინაიდან ზამთრის თვეებში ჰაერი მშრალია, შესაძლოა თვალებში სიმშრალე გამოიწვიოს. ამისთვის გარემოს ჰაერი უნდა დაატენიანოთ.

6. აუცილებელია თვალების დასვენება ეკრანისგან.

7. ასევე უნდა მოერიდოთ თვალების ხშირ მოსრესას.

• ვიტამინები და საკვები

მშრალი თვალის სინდრომის დროს უაღრესად მნიშვნელოვანია თქვენს საკვებს დაამატოთ D, B12 და A ვიტამინებით მდიდარი საკვები. მაგალითად, კვერცხის გული, მარცვლეული, ფორთოხლის წვენი, სტაფილო, ისპანახი, ბროკოლი და კარაქი D და A ვიტამინების მდიდარი წყაროა.

თქვენ ასევე შეგიძლიათ გაზარდოთ ომეგა -3 ცხიმოვანი მჟავებით მდიდარი საკვების მიღება, როგორიცაა სარდინი, ორაგული, სკუმბრია, ისპანახი, სოია და ჩიას მარცვლები.

• კიტრი

კიტრი თვალის სიმშრალის სამკურნალოდ ერთ-ერთი ყველაზე მარტივი და საუკეთესო მცენარეული საშუალებაა.

გაცივებული კიტრი დავჭრათ მრგვალ ნაჭრებად. მოათავსეთ ისინი დახუჭულ თვალებზე. შეგიძლიათ გაიმეოროთ დღეში 2-3-ჯერ, რათა დაისვენოთ და დაამშვიდოთ თვალები.

•ვარდის წყალი

ვარდის წყალი ერთ-ერთი ყველაზე ეფექტური საშუალებაა მშრალი თვალებისთვის. დაასველეთ ბამბის ნაჭერი ვარდის წყლით და დაიდეთ ქუთუთოებზე 10 წუთის განმავლობაში. გაიმეორეთ 2-3-ჯერ დღეში.

 • გვირილის ჩაი

გვირილა აღადგენს თვალებში დაკარგულ ტენიანობას და ამცირებს გაღიზიანებას.

ერთი ჩაის კოვზი გვირილის გამხმარი ბალახი დაამატეთ ერთ ჭიქა ცხელ წყალში, გააჩერეთ 10 წუთის განმავლობაში. გააცივეთ მაცივარში. დაასველეთ ორი ბამბის ბურთულა გვირილის ჩაიში და დაიდეთ დახუჭულ თვალებზე, გაიჩერეთ 10-15 წუთი. შეგიძლიათ გაიმეოროთ დღეში 3-4-ჯერ.

 • კამის თესლი

კამის თესლი სასარგებლოა ანთების შესამცირებლად და მათი დამამშვიდებელი თვისებების გამოყენება შესაძლებელია თვალებში ტენის შესანარჩუნებლად.

ჩაყარეთ ერთი ჩაის კოვზი კამის თესლი მდუღარე წყალში და გაჩერეთ 10-15 წუთის განმავლობაში. დაელოდეთ, რომ ცოტა გაცივდეს. დაასველეთ ბამბის ბურთი და დაიდეთ დახუჭულ თვალებზე. დაელოდეთ მინიმუმ 10 წუთი. გააკეთეთ ეს 2-3-ჯერ დღეში.

• Ალოე ვერა

ალოე ვერა არის ბუნებრივი ანტიოქსიდანტი, რომელსაც შეუძლია დაიცვას თვალები.

აიღეთ ცოტაოდენი ალოე ვერას გელი და წაისვით ქუთუთოებზე.

გააკეთეთ ეს მინიმუმ ორჯერ დღეში.

• ლავანდის ზეთი

ლავანდის ზეთს შეუძლია ჰქონდეს დამამშვიდებელი ეფექტი. დაამატეთ რამდენიმე წვეთი ლავანდის ეთერზეთი ერთ ჭიქა წყალში. აურიეთ და ამ ხსნარში დაასველეთ სუფთა ქსოვილი. გამოწურეთ ზედმეტი წყალი და დაიდეთ თვალებზე, გააჩერეთ 15-20 წუთი და გაიმეორეთ პროცედურა.

ამის გაკეთება შეგიძლიათ დღეში მინიმუმ სამჯერ.

  • გვირილის ზეთი

გვირილის ეთერზეთი ხელს უწყობს თვალების ანთების შემცირებას.

დაამატეთ რამდენიმე წვეთი გვირილის ზეთი ერთ ჭიქა თბილ წყალში. აურიეთ და ამ ხსნარში დაასველეთ სუფთა ქსოვილი. დაიდეთ ქუთუთოებზე და გაიჩერეთ 10 წუთი. ამის გაკეთება შეგიძლიათ დღეში რამდენჯერმე.

• Ზეითუნის ზეთი

ზეითუნის ზეთი ხელს უწყობს თვალების გაღიზიანებისა და ანთების შემცირებას.

დაისხით რამდენიმე წვეთი ზეითუნის ზეთი თითებზე. ნაზად შეიზილეთ დახუჭულ ქუთუთოებზე და რამდენიმე წუთის განმავლობაში დაიფარეთ ხელებით. არ ჩამოიბანოთ ზეთი. ის ბუნებრივად შეიწოვოს თქვენმა კანმა. ეს პროცედურა შეგიძლიათ დღეში 2-3-ჯერ გაიმეოროთ.

 • თევზის ზეთი

მოიხმარეთ თევზის ზეთი.

• მწვანე ჩაის ექსტრაქტი

მწვანე ჩაის ექსტრაქტს შეუძლია თავიდან აიცილოს თვალების შემდგომი გაღიზიანება.

ჩადევით მწვანე ჩაის ერთჯერადი პარკები ერთ ჭიქა ცხელ წყალში, გააჩერეთ 10-15 წუთი. დაელოდეთ, რომ ცოტა გაცივდეს. მწვანე ჩაიში დაასველეთ ორი ცალი ბამბა და დაიდეთ დახურულ ქუთუთოებზე, გაიჩერეთ 10-15 წუთი და გაიმეორეთ. ამის გაკეთება შეგიძლიათ დღეში რამდენჯერმე.

• თბილი კომპრესი

თბილი კომპრესების ტენიანობამ და სითბომ შეიძლება გაგათავისუფლოთ თვალების სიმშრალისგან. აიღეთ სუფთა ქსოვილი და დაასველეთ ცხელ წყალში. გამოწურეთ ზედმეტი წყალი და დასველებული ტილოები დახუჭულ თვალებზე 5-10 წუთის განმავლობაში დაიდეთ.

გაიმეორეთ დღეში რამდენჯერმე.