მკურნალობა ბუნებრივი მეთოდებით 14-2021

მკურნალობა ბუნებრივი მეთოდებით 14-2021

პროგრამა მომზადებულია ექიმ მეჰმეთ უჩარის მიერ

თემა, რომელზეც დღეს გვინდა ვისაუბროთ, არის თმის ქერტლის პრობლემა

ქერტლი; ეს არის თავის კანის ზედა ფენაზე არსებული მკვდარი უჯრედების ნაწილების აქერცვლა. ქერტლი არის კანის პრობლემა, რომელიც შეიძლება ქჰონდეს როგორც ქალებს, ასევე მამაკაცებს.

ქერტლის აღმოფხვრაში დაგეხმარებათ შემდეგი მეთოდები;

• თმის რეგულარულად დაბანა,

• თმის რეგულარულად ვარცხნა,

• თმის რეგულარული მოვლა,

• გრძელი თმების მქონე ადამიანებმა თმა ხშირად არ შეიკრათ,

• სტრესის შემცირება,

• არ დაიბანოთ ძალიან ცხელი წყლით,
• არ დაიბანოთ ძალიან ცივი წყლით,
• თმა ხშირად არ შეიღებოთ,
• თმის მოვლის საშუალებების გამოყენების შემცირება, როგორიცაა გელი, თმის სპრეი, მუსი.
• მზის სხივებით სარგებლობა,
• B ვიტამინის დანამატების მიღება,
• თუთიის ვიტამინის დანამატების მიღება,
• ქერტლისთვის შესაფერისი შამპუნის გამოყენება.

ჩვენი რეკომენდაციები შემდეგია:

1. ქერტლის საწინააღმდეგოდ შეიძლება გამოვიყენოთ ბუნებრივი ეთერზეთები: ჩაის ხის ზეთი, ქოქოსის ზეთი და ზეითუნის ზეთი.

• ალოე ვერა:

ალოე ვერა არბილებს მშრალ თავის კანს და აქრობს ქერტლის პრობლემას. წაისვით ალოე ვერა და შეიზილეთ თმა შხაპის წინ. გაიჩერეთ 10 წუთი და ჩამოიბანეთ. შეგიძლიათ გამოიყენოთ ალოე ვერა მანამ, სანამ ქერტლის პრობლემა მთლიანად არ გაქრება. თუმცა, ამ პროცესში სწორი იქნება დამატენიანებელი თვისებების მქონე შამპუნის გამოყენება.

• ქოქოსის ზეთი

ამ ზეთს შეუძლია შეამციროს ქერტლის და ეგზემის სიმპტომები მისი ბაქტერიციდული თვისებებით და კანის ტენიანობის გაზრდით.

• ჩაის ხის ზეთი:

ჩაის ხის ზეთს აქვს ბაქტერიციდული და ანთების საწინააღმდეგო თვისებები, რაც ამცირებს ქერტლის სიმპტომებს. თუმცა, ამან შეიძლება გამოიწვიოს გაღიზიანება მგრძნობიარე კანზე. ამიტომ, გამოყენებამდე ის უნდა განზავდეს ქოქოსის ზეთის მსგავსი ზეთებით.

• ლავანდის ზეთი:

ლავანდის ზეთი ამკვრივებს თავის კანს, ხდის მას უფრო გლუვს და ჯანსაღს. გადამტან ზეთებთან შერევით, როგორიცაა ლავანდის ზეთი, ნუშის ზეთი, ხელს უწყობს ქერტლის პრობლემის მოშორებას.

• ზეითუნის ზეთი:

დაისხით თავის კანზე ზეითუნის ზეთი. შემდეგ შემოიხვიეთ ცხელი წყლით დასველებული პირსახოცი. გაიჩერეთ 40 წუთი. გაიმეორეთ ეს პროცედურა ყოველ კვირაში.

ლიმონის წვენი:

ლიმონის წვენი ეფექტურია ცხიმიანი და ქერტლიანი თმის მოსაშორებლად. მიუხედავად იმისა, რომ ეს წამალი აბალანსებს თმის pH დონეს, ის ასევე ხელს უშლის თავის კანზე სოკოს ზრდას. შხაპის მიღებამდე თმა ლიმონის წვენით დაისველეთ 20 წუთის განმავლობაში და დაელოდეთ.

ჭინჭარი:

შეგიძლიათ გამოიყენოთ ჭინჭარი გამხმარი ან ახალი. ერთი ჩაის კოვზი ჭინჭარი (დაახლოებით ოთხიდან ხუთ გრამამდე) აადუღეთ 750 მლ წყალში, თავსახური დაახურეთ და დაბალ ცეცხლზე ოთხი წუთის განმავლობაში ხარშეთ. გაციების შემდეგ გადაწურეთ. თუ თმა სუფთაა, დაიბანეთ ჭინჭრის წვენით. ნახევარი საათის ლოდინის შემდეგ ჩამოიბანეთ მხოლოდ წყლით და გაიშრეთ. თუ თმა ჭუჭყიანია, ჯერ დაიბანეთ შამპუნით ან საპნით. შემდეგ, მომზადებული ჭინჭრის წვენი თმაზე დაიტოვეთ ნახევარი საათით, ჩამოიბანეთ მხოლოდ წყლით და გაიმშრალეთ. ამით თმას მიანიჭებთ სიცოცხლისუნარიანობას და ბზინვარებას და ასევე თავიდან აიცილებთ ქერტლს.

პრობიოტიკების მიღების გაზრდა:

ცნობილია, რომ პრობიოტიკები აძლიერებს იმუნურ სისტემას და ამცირებს ქერტლის წარმოქმნას.

ომეგა -3-ის მიღების გაზრდა:

ომეგა-3-ის ცხიმოვანი მჟავების ნაკლებობამ შეიძლება გამოიწვიოს ქერტლი. ცხიმიანი თევზი, როგორიცაა ორაგული, კალმახი და სკუმბრია, ომეგა-3-ის ცხიმოვანი მჟავების შესანიშნავი წყაროა. თქვენ ასევე შეგიძლიათ მიიღოთ თევზის ზეთის დანამატი ან გაზარდოთ სხვა ომეგა 3-ით მდიდარი საკვების მიღება, როგორიცაა სელის თესლი, ჩიას თესლი და ნიგოზი.

A ვიტამინით მდიდარი დიეტა:

სტაფილო, გარგარი, ღვიძლი, ოხრახუში, კარტოფილი, ხახვი და თევზი, რომელიც შეიცავს A ვიტამინს, ასევე ხელს უწყობს ქერტლისგან თავის არიდებას და ჯანსაღ კვებას.

ვაშლის სიდრი ძმარი:

ვაშლის ძმრის pH მნიშვნელობა თავსებადია თავის კანთან და არის ბაქტერიციდული. თმის ძირებში შეიზილეთ ნატურალური (ორგანული) ვაშლის ძმარი, რომლის შემდეგნაირად უნდა მოამზადოთ, 1 სუფრის კოვზი ჩაასხით 1 ჭიქა წყალში, გაიჩერეთ დაახლოებით 20 წუთი და ჩამოიბანეთ თბილი წყლით. გამოიყენება კვირაში 3-ჯერ. ეს მეთოდი ასევე ეხმარება თმის ბზინვარებას.