„მკურნალობა ბუნებრივი მეთოდებით“ 07-2021

„მკურნალობა ბუნებრივი მეთოდებით“ 07-2021

"ქრონიკული პროსტატიტი"

ექიმი, მეჰმეთ უჩარი

თემა, რომელზეც დღეს გვინდა ვისაუბროთ არის: ქრონიკული პროსტატიტი.

ქრონიკული პროსტატიტი, დაავადება, რომელიც გამოწვეულია პროსტატის ჯირკვალში ინფექციით ან გამაღიზიანებელი ფაქტორებით; ის იწვევს ისეთ სიმპტომებს, როგორიცაა ხშირი შარდვა, რთული და სისხლიანი შარდვა, ტკივილი და წვა.

ეს დაავადება, რომელიც გვხვდება ყოველი 10 კაციდან ოთხში, მნიშვნელოვნად ამცირებს მამაკაცის ცხოვრების ხარისხს.

შეგვიძლია შემოგთავაზოთ ბუნებრივი მკურნალობის შემდეგი მეთოდები და რეკომენდაციები:

თუ ეს დაავადება დაახლოებით 1-2 წელია გაწუხებთ, შემოგთავაზებთ ზოგიერთ მეთოდს, რომელსაც შეუძლია შეამციროს თქვენი სიმპტომები. Მაგალითად;

აადუღეთ 1 ლიტრი წყალი და დაამატეთ მასში დაახლოებით 250 გრამი ბროკოლი. დაბალ ცეცხლზე ბროკოლი ადუღდეთ 5 წუთის განმავლობაში, შემდეგ კი წყალი გააციეთ. წყლის გაცივების შემდეგ, გაფილტვრის შედეგად მიღებული წყალი გაყავით სამად და დალიეთ დილით, შუადღეს და საღამოს უზმოზე. ბროკოლის წვენის დალევის შემდეგ, ყურადღება მიაქციეთ, რომ წყლის გარდა 20 წუთის განმავლობაში არ მიიღოთ სხვა საკვები. წყალში მოხარშული ბროკოლი შეიძლება მიირთვათ კერძში ან სალათის სახით.

ეს მცენარეული მკურნალობის მეთოდი გამოიყენება ერთი კვირის განმავლობაში შესვენების გარეშე. სამდღიანი შესვენების შემდეგ კი განაახლეთ. სულ 21 დღის განმავლობაში 7 დღის მანძილზე შესვენების გარეშე სვით და სამი დღე შეისვენეთ. ამ კურსის დასრულების შემდეგ ჩივილები შეიძლება შემცირდეს. თუმცა, თუ დაავადების სიმპტომები მომავალში კვლავ გამოჩნდება, ამჯერად ბროკოლის მკურნალობის კურსი უნდა იქნას გამოყენებული 15 დღის განმავლობაში.

ქრონიკული პროსტატიტის დაავადების მცენარეული მკურნალობისას 1 საშუალო ზომის ყავისფერი ხახვი უნდა გაარჩიოთ, დაჭრათ და შეჭამოთ პურის ერთ ნაჭერთან ერთად. ის ამცირებს ანთებას და ტკივილს.

ძილის წინ ორი გარჩეული ხახვი მოათავსეთ ერთ ლიტრ წყალში, დილით უზმოზე დალიეთ ერთი ჭიქა.

რეკომენდირებულია რეგულარულად მიირთვათ ერთი მუჭა ნედლი გოგრის თესლი ყოველდღე. ან ნედლი გოგრის თესლი (500 გრ) შეიძლება დაფქვათ და შეურიოთ თაფლს (200 გრ). ამ ნაზავის ერთი ჩაის კოვზი შეგიძლიათ მიიღოთ ყოველ დილით.

მოხარშეთ დღეში სამჯერ 8-10 ღერი მცირე ფოთლოვანი ოხრახუში და დალიეთ.

კურკუმას ფხვნილის რეგულარული მოხმარება ძალიან ეფექტურია. ერთი ჩაის კოვზი კურკუმა შეგიძლიათ მიიღოთ სალათასთან, წვნიანათნ, მაწონთან ერთად.

სტაფილოს წვენი და ისპანახის წვენი ძალიან სასარგებლოა პროსტატიტის დროს.

ექინეზიას აქვს შესანიშნავი იმუნური სისტემის გამაძლიერებელი თვისება, რომელსაც შეუძლია ორგანიზმს დაეხმაროს ებრძოლოს ინფექციას.

ვიტამინი C არის ანტიოქსიდანტური ვიტამინი. ის არის ანთების საწინააღმდეგო და იმუნიტეტის ასამაღლებელი საშუალება. ის ასევე შარდს უფრო მჟავეს ხდის, ამიტომ ბაქტერიები ადვილად ვერ იზრდებიან. მიიღება დაახლოებით 500 მგ ორჯერ დღეში.

შეიძლება რეკომენდებული იყოს სელის ფხვნილის მოხმარება, რომელიც შეიცავს აუცილებელ ცხიმოვან მჟავებს ანთების საწინააღმდეგო თვისებებით, რეკომენდირებულია მიღება მაწონთან შერევით.

• ასევე, უნდა დალიოთ ბევრი სითხე. დალიეთ მინიმუმ ექვსი-რვა ჭიქა წყალი დღეში.

• გაზიანი სასმელები, რომლებიც შეიცავს კოფეინს (ჩაი, ყავა და კოლა), ხელოვნური დამატკბობლები არ უნდა იქნას გამოყენებული, რადგან მათ შეუძლიათ გააღიზიანონ შარდის ბუშტი და გააუარესონ შარდთან დაკავშირებული ზოგიერთი პრობლემა.

• ცხარე საკვები არ უნდა იქნას გამოყენებული, რადგან მათ შეუძლიათ ჩივილების გამწვავება.

• თავი უნდა შეიკავოთ ისეთი აქტივობებისგან, როგორიცაა ველოსიპედით სიარული. მათ შეუძლიათ სიმპტომების გამწვავება. თუ გსურთ ველოსიპედის გამოყენების გაგრძელება, შეგიძლიათ სცადოთ ჟელისგან დამზადებული სპეციალური სავარძლის გამოყენება.

• ყაბზობა აღიზიანებს პროსტატის ჯირკვლის ანთებას და იწვევს უფრო მეტს ტკივილს პაციენტში. უნდა იქნას მოხმარებული ბოჭკოვანი საკვები.

• გარდა ამისა, ასევე მნიშვნელოვანია რეგულარული ვარჯიში და ძილი.