ბაიდენისა და ბლინკენის გაფრთხილება ნეთანიაჰუს

ამერიკის შეერთებული შტატების პრეზიდენტმა ჯო ბაიდენმა განუცხადა ისრაელის პრემიერ-მინისტრს, ბენიამინ ნეთანიაჰუს, რომ მომავალი დახმარება, რომელსაც ისინი გაუწევენ მის ქვეყანას, დამოკიდებული იქნება „სამოქალაქოების დასაცავად ნაბიჯების გადადგმაზე“.

თეთრი სახლის წერილობითი განცხადების თანახმად, ჯო ბაიდენი ტელეფონით ესაუბრა ბენიამინ ნეთანიაჰუს და განიხილა ბოლო თავდასხმები ღაზაში.

საუბრის დროს ბაიდენმა დღის წესრიგში დააყენა საერთაშორისო დახმარების ორგანიზაციის, სახელწოდებით „მსოფლიოს ცენტრალური სამზარეულო“ World Central Kitchen 7 თანამშრომლის ისრაელის მიერ მკვლელობაზე და ხაზგასმით აღნიშნა, რომ თავდასხმები WCK-ზე და რეგიონში მომუშავე სხვა ჰუმანიტარულ ორგანიზაციებზე და ღაზაში არსებული ჰუმანიტარული ვითარება "მიუღებელია".

ბაიდენმა აღნიშნა, რომ ისრაელისგან კონკრეტული, სპეციფიკური და გაზომვადი ნაბიჯების გადადგმას ელიან მშვიდობიანი მოსახლეობაში მსხვერპლის, ჰუმანიტარული სიტუაციისა და დამხმარე მუშაკების დაცვასთან დაკავშირებულ საკითხებში და დაამატა: „საჭიროა სასწრაფოდ ცეცხლის შეწყვეტა“ ღაზაში ჰუმანიტარული სიტუაციის გასაუმჯობესებლად და უდანაშაულო მშვიდობიანი მოსახლეობის დასაცავად.

ბაიდენმა ასევე განუცხადა ნეთანიაჰუს, რომ „აშშ-ს მომავალი დახმარება ისრაელისთვის ღაზის კონტექსტში დამოკიდებული იქნება იმ ნაბიჯებზე, რომლებსაც ის გადადგამს მშვიდობიანი მოსახლეობის და ჰუმანიტარული დახმარების ორგანიზაციების პერსონალის დასაცავად“.

აშშ-ს სახელმწიფო მდივნის ენტონი ბლინკენის განცხადებით კი, ისინი ელიან, რომ ისრაელი სასწრაფოდ გამოაცხადებს "კონკრეტულ, დეტალურ და გაზომვად" ნაბიჯებს ღაზაში მშვიდობიანი მოსახლეობის და ჰუმანიტარული დახმარების ორგანიზაციების მუშაკების დასაცავად და თქვა: "თუ ჩვენ ვერ დავინახავთ აუცილებელ ცვლილებებს ღაზაში, ცვლილება იქნება ჩვენს პოლიტიკაში“.

ბრიუსელში ნატოს საგარეო საქმეთა მინისტრების შეხვედრის შემდეგ გამართულ პრესკონფერენციაზე ბლინკენმა განაცხადა, რომ ღაზაში ცეცხლის შეწყვეტა სასწრაფოდ უნდა მოხდეს და ეს მნიშვნელოვანია ტყვეების გათავისუფლების, მშვიდობიანი მოსახლეობის დაცვისა და ჰუმანიტარული დახმარების გაზრდისთვის.