ლიბანი ისრაელს გაეროს უშიშროების საბჭოში უჩივლებს

ლიბანი ისრაელს გაეროს უშიშროების საბჭოში უჩივლებს

ლიბანმა განაცხადა, რომ უჩივლებს ისრაელს გაეროს უშიშროების საბჭოში ქვეყნის სამხრეთში საჰაერო თავდასხმის გამო, რომლის დროსაც 4 ადამიანი დაშავდა.

ლიბანის საგარეო საქმეთა სამინისტრომ წერილობითი განცხადება გააკეთა ისრაელის არმიის მიერ ლიბანის სამხრეთში განხორციელებული ავიაიერიშის შემდეგ, რომლის დროსაც ლიბანში გაეროს დროებითი სამშვიდობო ძალების (UNIFIL) 3 ჯარისკაცი და 1 ლიბანელი მშვიდობიანი მოქალაქე დაიჭრა.

განცხადებაში ნათქვამია, რომ მზადება დაიწყო გაეროს უშიშროების საბჭოში საჩივრის შესატანად ისრაელის მიერ ქვეყნის სამხრეთზე თავდასხმის გამო და რომ მკაცრად დაგმეს ეს თავდასხმა, რომელიც ეწინააღმდეგებოდა საერთაშორისო კანონმდებლობას.

განცხადებაში აღნიშნულია, რომ მას შემდეგ რაც ლიბანში თავს დაესხნენ ჟურნალისტებს, სამედიცინო პერსონალს, ქალებსა და ბავშვებს, ბოლოს UNIFIL-ის წევრები გახდნენ სამიზნე და რომ ისრაელის ეს თავდასხმა გაეროს ძალებზე იყო საერთაშორისო გადაწყვეტილებების მიზანმიმართული შეუსრულებლობის პოლიტიკა.