ციხეში გაჩენილი ხანძრის შედეგად მრავალი ადამიანი დაიღუპა

დომინიკელთა რესპუბლიკაში ციხეში გაჩენილი ხანძრის შედეგად ბოლო მონაცემებით, 11 ადამიანი დაიღუპა.

ადგილობრივი მედიის ცნობით, გაურკვეველი მიზეზით ხანძარი დედაქალაქ სანტო-დომინგოში, ლა ვიქტორიას ეროვნულ ციხეში გაჩნდა.

ხანძარს 11 პატიმარი ემსხვერპლა, კვამლით დაზარალებული რამდენიმე ადამიანი კი საავადმყოფოში გადაიყვანეს.

ქვეყნის მთავარმა პროკურატურამ მომხდარზე გამოძიება დაიწყო.

გავრცელდა ინფორმაცია, რომ 300 პატიმარი სხვა ციხეში გადაიყვანეს.