პოლონეთმა 50-ზე მეტი ელჩი გაიწვია

პოლონეთმა თავისი დიპლომატიური მისიების გაუმჯობესების მცდელობის ფარგლებში 50-ზე მეტი ელჩის გამოწვევა გადაწყვიტა.

დიპლომატიური მისიების გაუმჯობესების ფარგლებში ელჩების გამოწვევის პროცესის დაწყებასთან დაკავშირებით საგარეო საქმეთა სამინისტრომ განცხადება გაავრცელა.

განცხადებაში, რომელშიც ნათქვამია, რომ საგარეო საქმეთა მინისტრმა რადოსლავ სიკორსკიმ გადაწყვიტა 50-ზე მეტი ელჩის გამოწვევა, აღნიშნულია, რომ აუცილებელი ცვლილებების განხორციელება ხელს შეუწყობს ქვეყნის საგარეო პოლიტიკაში არსებული სირთულეების „უკეთესად და პროფესიონალურად გადაჭრას“.

განცხადებაში არ არის მოცემული გამოწვეული ელჩების შესახებ დეტალები და ინფორმაცია იმის თაობაზე, თუ როდის დაინიშნება მათი შემცვლელები.

პრემიერ-მინისტრმა დონალდ ტუსკმა სახელმწიფო ტელეარხ TVP Info-სთვის მიცემულ ინტერვიუში განაცხადა, რომ ის და მინისტრი სიკორსკი გეგმავენ მასშტაბური ცვლილებების განხორციელებას საელჩოებში.

ტუსკმა თქვა: „ჩვენ უნდა შევქმნათ და განვავითაროთ გუნდი, რომელიც იქნება პოლონეთის სახელმწიფოს ერთგული და განახორციელებს მუშაობას ყველა საელჩოში“.