ნატო აგრძელებს უკრაინის მხარდაჭერას

ნატოს გენერალურმა მდივანმა იენს სტოლტენბერგმა განაცხადა, რომ ნატოს მოკავშირეები შეთანხმდნენ უკრაინაში 1 მილიონი უპილოტო საფრენი აპარატის (İHA) გაგზავნაზე.

ბელგიის დედაქალაქ ბრიუსელში, ნატოს შტაბ-ბინაში გამართული თავდაცვის მინისტრებისა და ნატო-უკრაინის საბჭოს შეხვედრების შემდეგ, იენს სტოლტენბერგმა პრესასთან განცხადებები გააკეთა.

„მოკავშირეთა ჯგუფი იკრიბება უკრაინაში 1 მილიონი უპილოტო საფრენი აპარატის მიწოდების მიზნით. ნატოს 20-მა მოკავშირემ გადაწყვიტა განაღმვის კოალიციის შექმნა“, - თქვა გენერალურმა მდივანმა.

პრესკონფერენციის დროს, იენს სტოლტენბერგმა შავ ზღვაში თურქეთის, ბულგარეთისა და რუმინეთის ერთობლივი განაღმვითი საქმიანობის შესახებაც ისაუბრა და განაცხადა, რომ ამ ძალისხმევამ საშუალება მისცა უკრაინას გამოეყენებინა თავისი ტერიტორიული წყლები და განეხორციელებინა მარცვლეულის ექსპორტი.