თავდასხმა ამერიკელ ჯარისკაცებზე იორდანიაში

გავრცელდა ინფორმაცია, რომ 3 ამერიკელი ჯარისკაცი დაიღუპა იორდანიაში განლაგებული ამერიკის შეერთებული შტატების ძალების წინააღმდეგ უპილოტო საფრენი აპარატით განხორციელებული თავდასხმის შედეგად.

აშშ-ს პრეზიდენტმა ჯო ბაიდენმა გაკეთებულ განცხადებაში აღნიშნა: „3 ამერიკელი ჯარისკაცი დაიღუპა და ბევრი დაიჭრა იორდანიის ჩრდილო-აღმოსავლეთით, სირიის საზღვართან ახლოს განლაგებულ ჩვენს ძალებზე უპილოტოს საფრენი აპარატით განხორციელებული თავდასხმის შედეგად“.

ბაიდენმა აღნიშნა, რომ ისინი ჯერ კიდევ აგროვებენ ინფორმაციას თავდასხმის შესახებ და დაამატა: „ჩვენ ვიცით, რომ ეს განხორციელდა ირანის მიერ მხარდაჭერილი რადიკალური მებრძოლი ჯგუფების მიერ, რომლებიც მოქმედებენ სირიასა და ერაყში“.

მისივე თქმით, თავდასხმაზე პასუხისმგებლებს პასუხი მოეთხოვებათ ამერიკის შეერთებული შტატების მიერ არჩეულ დროსა და ფორმით და ასევე აღნიშნა, რომ „ისინი გააგრძელებენ ბრძოლას ამ ომში“.

აშშ-ს თავდაცვის მდივანმა ლოიდ ოსტინმა თქვა: „ირანის მიერ მხარდაჭერილი გასამხედროებულები არიან პასუხისმგებელი აშშ-ს ძალებზე თავდასხმებზე და ჩვენ ვუპასუხებთ ჩვენს მიერ არჩეულ დროსა და ადგილზე“.

წერილობით განცხადებაში მინისტრმა აღნიშნა, რომ ის და პრეზიდენტი ჯო ბაიდენი არ მოითმენენ ამერიკულ ძალებზე თავდასხმებს.

„ჩვენ გადავდგამთ ყველა საჭირო ნაბიჯს ამერიკის შეერთებული შტატების, ჩვენი ჯარების და ჩვენი ინტერესების დასაცავად“. - თქვა მან.

აშშ-ის ცენტრალური სარდლობის (CENTCOM) მიერ გაკეთებულ წერილობით განცხადებაში ნათქვამია, რომ იორდანიის ჩრდილო-აღმოსავლეთში უპილოტო საფრენი აპარატის ცალმხრივი თავდასხმის შედეგად 3 ამერიკელი ჯარისკაცი დაიღუპა და 34 დაშავდა.

ისრაელსა და პალესტინას შორის 7 ოქტომბერს კონფლიქტის დაწყების შემდეგ, 150-ზე მეტი თავდასხმა განხორციელდა ერაყსა და სირიაში აშშ-ის ჯარისკაცების ბაზებზე.