ისრაელის თავდასხმებიდან 100 დღე გავიდა

პალესტინის ადმინისტრაციამ განაცხადა, რომ ისრაელმა ღაზას სექტორი 100 დღეში დაუსახლებელ ადგილად აქცია და მის მიერ ჩადენილი ხოცვა-ჟლეტით ისტორიაში უდიდესი ჰუმანიტარული კატასტროფა გამოიწვია.

ღაზაზე ისრაელის თავდასხმის მე-100 დღეს პალესტინის საგარეო საქმეთა სამინისტრომ წერილობითი განცხადება გააკეთა, რომელშიც ნათქვამია: „ზოგიერთი ქვეყანა ჯერ კიდევ არ არის დარწმუნებული, რომ ისრაელის მიერ ჩადენილმა ხოცვა-ჟლეტამ მთლიანად გაანადგურა „თავდაცვის“ არგუმენტი. ქვეყნებმა ახლა უნდა დათმონ თავიანთი პოზიციები, რომლებიც ომის გაგრძელებას იწვევს. მიუხედავად იმისა, რომ ხოცვა-ჟლეტიდან 100 დღე გავიდა, საერთაშორისო თანამეგობრობა კვლავ გამოხატავს თავის შეშფოთებას და მოწოდებას, მაგრამ, ისრაელი არ უსმენს მათ. პირიქით, ისრაელის ოფიციალური პირები აგრძელებენ ტრაბახს, ამაყობენ გენოციდური ომის გაგრძელებით. იგი აგრძელებს მართლმსაჯულების საერთაშორისო სასამართლოს პროცესების არასერიოზულად მიღებას“.