სერბეთში ვადამდელი საპარლამენტო არჩევნები დაინიშნა

სერბეთის პრეზიდენტმა, ალექსანდრ ვუჩიჩმა პარლამენტი დაითხოვა და 17 დეკემბერს რიგგარეშე საპარლამენტო არჩევნები დანიშნა. საპარლამენტო არჩევნები დაემთხვევა ადგილობრივ არჩევნებს.

„სერბეთის კონსტიტუციის 109-ე მუხლიდან გამომდინარე, მე გამოვცემ განკარგულებას ეროვნული ასამბლეის დაშლის შესახებ და გადაწყვეტილებას საპარლამენტო არჩევნების 17 დეკემბერს ჩატარების შესახებ“, - განაცხადა ვუჩიჩმა და ხაზგასმით აღნიშნა, რომ მას სურს, რომ არჩევნები იყოს კეთილსინდისიერი და ქვეყნისათვის სასიკეთო.

მან ასევე დასძინა: „წინასაარჩევნო კამპანია არის შესაძლებლობა, ცივილიზებულად წარვუდგინოთ მოქალაქეებს განსხვავებული იდეები და პროგრამები, რომლებიც კონკურენციას უნდა ეწინააღმდეგებოდეს, მაგრამ არ ემუქრებოდეს ჩვენს ეროვნულ ინტერესებს“.