პაკისტანში აფეთქების შედეგად ერთი ჯარისკაცი დაიღუპა

პაკისტანში, ქალაქ პეშავარში აფეთქების შედეგად ერთი ჯარისკაცი დაიღუპა.

ტელეკომპანია Geo News-ის ცნობით, სამხედრო მანქანაზე, რომელიც პატრულირებდა პეშავარში, ხეიბერ-პახტუნხვას პროვინციაში ხალხმრავალ ქუჩაზე, ხელნაკეთი ასაფეთქებელი მოწყობილობით თავდასხმა მოხდა.

აფეთქების შედეგად ერთი ჯარისკაცი დაიღუპა, 6 ჯარისკაცი და 3 მშვიდობიანი მოქალაქე დაშავდა.

ოფიციალურმა პირებმა განაცხადეს, რომ დაჭრილი ჯარისკაცებიდან ორის მდგომარეობა მძიმეა.

თავდასხმაზე პასუხისმგებლობა ჯერ-ჯერობით არავის აუღია.