ჰაქან ფიდანი ვოლოდიმირ ზელენსკის შეხვდა

თურქეთის საგარეო საქმეთა მინისტრი ჰაქან ფიდანი 3-დღიანი ერაყის ვიზიტის შემდეგ უკრაინაში ჩავიდა.

ჰაქან ფიდანი უკრაინის დედაქალაქ კიევში, პრეზიდენტ ვოლოდიმირ ზელენსკის შეხვდა. შეხვედრის შემდეგ პირველი განცხადება ზელენსკიმ გააკეთა და აღნიშნა, რომ შეხვედრაზე, შავი ზღვის მარცვლეულის დერეფნის საკითხი განიხილეს.

ჰაქან ფიდანი კიევში ვიზიტის ფარგლებში ასევე, პრეზიდენტის ადმინისტრაციის ხელმძღვანელ, ანდრიი ერმაკისაც შეხვდა.

შეგახსენებთ, რომ რუსეთ-უკრაინის ომის დაწყებიდან, რომელიც 2022 წლის 24 თებერვლიდან მიმდინარეობს, თურქეთი გამოდის წინა პლანზე ორ ქვეყანას შორის შუამავლის როლით.