ინდოეთში წყალდიდობისა და მეწყერის შედეგად დაღუპულთა რიცხვი ისევ გაიზარდა

ინდოეთში ძლიერი წვიმების გამო გამოწვეული წყალდიდობისა და მეწყერის შედეგად დაღუპულთა რიცხვი ბოლო მონაცემებით 72-მდე გაიზარდა.

ქვეყნის ჩრდილო-დასავლეთ ნაწილში მდებარე ჰიმაჩალ-პრადეს შტატში ძლიერი წვიმა და ქარი კვლავ მძვინვარებს.

ჰიმაჩალ-პრადეს შტატის პრემიერ-მინისტრმა სუხვინდერ სინგ სუხუმ მედიას განუცხადა, რომ შტატში ძლიერი წვიმის გამო ბოლო მონაცემებით 72 ადამიანი დაიღუპა. 2000-ზე მეტი ადამიანი ვერტმფრენებით  და მოტორიანი ნავებით გადაარჩინეს.

მან ასევე დასძინა, რომ შეშფოთებულია დაღუპულთა რაოდენობის მატებით და დაამატა, რომ სამძებრო-სამაშველო და აღდგენითი სამუშაოები გრძელდება.

მეორეს მხრივ, გავრცელდა ინფორმაცია, რომ ინფრასტრუქტურაზე მუსონური წვიმების შედეგად გამოწვეული ნგრევის აღდგენას შეიძლება ერთი წელი დასჭირდეს და სავარაუდო ზარალი დაახლოებით 100 მილიარდი დოლარია.