დომინიკის რესპუბლიკაში ძლიერი აფეთქების შედეგად ათეულობით ადამიანი დაიღუპა

დომინიკის რესპუბლიკაში, ქალაქ სან-კრისტობალში ეგრეთ წოდებულ „ძველ ბაზარში“ პურის საცხობში მომხდარი აფეთქების შედეგად დაიღუპა, სულ მცირე, 25 ადამიანი.

ხელისუფლებამ აღნიშნა, რომ აფეთქების შემდეგ ნაპოვნი ცხედრები იდენტიფიკაციისთვის სასამართლო მედიცინაში გადაიყვანეს.

შიშობენ, რომ ინციდენტის შედეგად დაღუპულთა რიცხვი გაიზრდება.