ინდოეთში წყალდიდობისა და მეწყერის შედეგად დაღუპულთა რიცხვი გაიზარდა

ინდოეთში ძლიერი წვიმების გამო გამოწვეული წყალდიდობისა და მეწყერის შედეგად დაღუპულთა რიცხვი ბოლო მონაცემებით 55-მდე გაიზარდა.

ქვეყნის ჩრდილო-დასავლეთ ნაწილში მდებარე ჰიმაჩალ-პრადეს შტატში ძლიერი წვიმა და ქარი კვლავ მძვინვარებს.

ჰიმაჩალ-პრადეს შტატის პრემიერ-მინისტრმა სუხვინდერ სინგ სუხუმ მედიას განუცხადა, რომ შტატში ძლიერი წვიმის გამო ბოლო მონაცემებით 55 ადამიანი დაიღუპა.

მან ასევე დასძინა, რომ შეშფოთებულია დაღუპულთა რაოდენობის მატებით და დაამატა, რომ სამძებრო-სამაშველო და აღდგენითი სამუშაოები გრძელდება.

მეორეს მხრივ, შტატის კატასტროფების მართვის ორგანომ ასევე გამოაცხადა, რომ წყალდიდობის და მეწყერის გამო ასობით გზა გადაკეტილია მოძრაობისთვის.