პოლონეთი ბელარუსის საზღვარზე დამატებით ჯარს გაგზავნის

პოლონეთის სასაზღვრო დაცვამ მოითხოვა დამატებითი 1000 ჯარისკაცის განლაგება ბელარუსის საზღვარზე.

პოლონური საინფორმაციო სააგენტო PAP-ის ცნობით, ინციდენტების სერია, რომელთაგან ზოგიერთი ძალადობრივი იყო, პოლონეთ-ბელარუსიის საზღვარზე მოხდა.

პოლონეთის შინაგან საქმეთა მინისტრის მოადგილემ, მაკეი ვასიკმა პრესკონფერენციაზე განაცხადა, რომ საზღვარზე განვითარებული მოვლენების შემდეგ, პოლონეთის მესაზღვრეებს სურდათ, რომ დამატებით 1000 ჯარისკაცი განლაგებულიყო ბელარუსის საზღვარზე.

ვასიკმა აღნიშნა, რომ არალეგალური იმიგრაციასთან ბრძოლის მთელი პროცესი ბელარუსის სასაზღვრო დაცვის მიერ იყო ორგანიზებული. მან ასევე დასძინა, რომ ბელარუსის საზღვარზე პოლონელი ჯარისკაცების მიმართ აგრესიის დონე გაიზარდა.

შეგახსენებთ, რომ პოლონეთის ხელისუფლებამ ბოლო კვირებში გააძლიერა განცხადებები საზღვრის უსაფრთხოების გაზრდის შესახებ, განსაკუთრებით მას შემდეგ, რაც რუსული კერძო დაცვითი კომპანია „ვაგნერი“ განლაგდა ბელარუსიაში.