მაროკოში ავტოსაგზაო შემთხვევის შედეგად მრავალი ადამიანი დაიღუპა

მაროკოს ცენტრალურ ნაწილში, აზილალის პროვინციაში ავტოსაგზაო შემთხვევის შედეგად ბოლო მონაცემებით 24 ადამიანი დაიღუპა.

მაროკოს ოფიციალური სააგენტო MAP-ის მხრიდან ადგილობრივ ხელისუფლებაზე დაყრდნობით გავრცელებული ინფორმაციით,  აზილალის პროვინციის ქალაქ დემნატში ყოველკვირეულ ქუჩის ბაზრობაზე მგზავრების გადამყვანი ავტომობილი გადაბრუნდა. შედეგად ბოლო მონაცემებით 24 ადამიანი დაიღუპა.

მომხდარ ფაქტზე ხელისუფლებამ  პროკურატურის ზედამხედველობით გამოძიება დაიწყო.