ინდოეთი შაჰბაზ შარიფის მოწოდებას პასუხობს

პაკისტანის პრემიერ-მინისტრის შაჰბაზ შარიფის მოწოდების შემდეგ, ინდოეთმა განაცხადა, რომ მათ სურვილი აქვს ნორმალური ურთიერთობა ჰქონდეთ ყველა მეზობელთან, მათ შორის პაკისტანთან.

ინდოეთის საგარეო საქმეთა სამინისტროს პრესსპიკერმა არინდამ ბაღჩიმ შარიფის განცხადებებთან დაკავშირებით განაცხადა: „ინდოეთის მკაფიო და თანმიმდევრული პოზიცია ამ საკითხთან დაკავშირებით ცნობილია. ჩვენ გვსურს ნორმალური ურთიერთობა გვქონდეს ყველა მეზობელთან, მათ შორის პაკისტანთან“.

ცნობისათვის, შაჰბაზ შარიფმა გუშინ განაცხადა, რომ ისინი მზად არიან ისაუბრონ ყველასთან, მათ შორის ნიუ-დელის ადმინისტრაციასთან, თუ ინდოეთი სერიოზულად განიხილავს მნიშვნელოვან საკითხებს.

შარიფმა ხაზგასმით აღნიშნა, რომ მისმა ქვეყანამ ბოლო 75 წლის განმავლობაში 3-ჯერ იბრძოდა ინდოეთთან და ამან გაზარდა სიღარიბე და უმუშევრობა, და რომ განათლების, ჯანმრთელობისა და ხალხის კეთილდღეობის ადეკვატური დაფინანსება შეუძლებელია რესურსების ნაკლებობის გამო.