ესპანეთში ვადამდელი საპარლამენტო არჩევნები ჩატარდა

ესპანეთში ვადამდელი საპარლამენტო არჩევნები ჩატარდა

ესპანეთში გამართულ ვადამდელ საპარლამენტო არჩევნებზე, დათვლილი ხმების 96 პროცენტის მიხედვით, ვერც მმართველმა მემარცხენე და ვერ ოპოზიციურმა მემარჯვენე პოლიტიკურმა პარტიებმა ვერ მოიპოვეს საპარლამენტო უმრავლესობა, რითაც მთავრობას შექმნიდნენ.

შინაგან საქმეთა სამინისტროს მონაცემებით, ხმების 96 პროცენტის დათვლის მომენტში პოლიტიკური პარტია, რომელმაც ყველაზე მეტი 136 მანდატი მოიპოვა 350-ადგილიან პარლამენტში, იყო მთავარი ოპოზიციური მემარჯვენე სახალხო პარტია (PP).

მთავრობის შესაქმნელად PP-ს ერთადერთი ვარიანტია კოალიციის შექმნა ულტრამემარჯვენე პარტია Vox-თან.

თუმცა, Vox-ი და PP ერთად 169 ხმას აგროვებენ და ვერ აღწევენ ნდობის გამოცხადებისტვის საჭირო 176 მანდატიან საპარლამენტო უმრავლესობას.

ულტრამემარჯვენე Vox-ის დეპუტატების რაოდენობა, რომელიც გასულ არჩევნებში 52 იყო, ამ არჩევნებზე 33-მდე შემცირდა.

მიუხედავად იმისა, რომ ალბერტო ნუნეზ ფეიჯომ, რომელიც PP-ის თავმჯდომარედ აირჩიეს დაახლოებით ერთი წლის წინ, პარტიის დეპუტატების რაოდენობა 47-ით გაზარდა და არჩევნებში პირველობა მოიპოვა, ნაკლებად სავარაუდოა, რომ ის პარლამენტში Vox-ის გარდა სხვა პოლიტიკური ჯგუფების მხარდაჭერას მიიღებს.

მმართველმა მემარცხენე კოალიციამ ხმები ოდნავ გაზარდა, თუმცა მაინც ჩამორჩება საპარლამენტო უმრავლესობას.

სოციალისტურმა მუშათა პარტიამ (PSOE) 122  და სუმარ-მა 31 დეპუტატი გაიყვანეს.

ქვეყანაში პოლიტიკური კალენდრის მიხედვით, პარლამენტი და სენატი 17 აგვისტოს უნდა გაიხსნას.

არჩევნებში მონაწილეობის დონემ 70 პროცენტი შეადგინა.