ბლინკენი: შავი ზღვის მარცვლეულის ინიციატივის გაგრძელება აუცილებელია

ბლინკენი: შავი ზღვის მარცვლეულის ინიციატივის გაგრძელება აუცილებელია

„აუცილებელია შავი ზღვის მარცვლეულის ინიციატივის გაფართოება და გახანგრძლივება, რომლის 18 ივლისს შეწყვეტით რუსეთი იმუქრება“. - განაცხადა აშშ-ის სახელმწიფო მდივანმა ენტონი ბლინკენმა.

აშშ-ის სახელმწიფო მდივანმა ბლინკენმა ისაუბრა ჯაკარტაში სამხრეთ-აღმოსავლეთ აზიის ქვეყნების ასოციაციის (ASEAN) საგარეო საქმეთა მინისტრების 56-ე შეხვედრაზე გამართულ პრესკონფერენციაზე.

ბლინკენმა აღნიშნა, რომ რუსეთის ომი უკრაინაში ზიანს აყენებს არა მხოლოდ უკრაინელებს, არამედ რეგიონის სხვა ხალხებსაც და თქვა: „აუცილებელია შავი ზღვის მარცვლეულის ინიციატივის გაფართოება და გახანგრძლივება, რომლის 18 ივლისს შეწყვეტით რუსეთი კიდევ ერთხელ დაიმუქრა“.