ნატოს სამიტის შემდეგ პრეზიდენტმა ერდოღანმა პრესკონფერენცია გამართა

პრეზიდენტმა რეჯეფ თაიფ ერდოღანმა თქვა: "ტერორიზმის წინააღმდეგ "დაუნდობელი ბრძოლა" ჩვენი წითელი ხაზია. ჩვენ ყველა მოკავშირის მტკიცე და მკაფიო პოზიციას ველით ამ საკითხთან დაკავშირებით“.

ლიეტუვის დედაქალაქ ვილნიუსში ნატოს სახელმწიფოთა და მთავრობათა მეთაურთა სამიტის შემდეგ ერდოღანმა პრესკონფერენცია გამართა.

სიტყვით გამოსვლისას პრეზიდენტმა ერდოღანმა თქვა: "დამახინჯებული ურთიერთობა, რომელიც ჩვენს ზოგიერთ მოკავშირეს აქვს PYD/YPG-სთან, ზიანს აყენებს ალიანსის ერთიანობას და მთლიანობას. ამას არ აქვს გონივრული და ლოგიკური ახსნა“.

ერდოღანმა აღნიშნა: "ტერორიზმის წინააღმდეგ დაუნდობელი ბრძოლა ჩვენი წითელი ხაზია. ჩვენ უკვე ამ საკითხთან დაკავშირებით ყველა მოკავშირის მტკიცე და მკაფიო პოზიციას ველით“.

მარცვლეულის დერეფანთან დაკავშირებით, პრეზიდენტმა თქვა: „ბატონი (უკრაინის პრეზიდენტი ვლადიმერ) ზელენსკი მხარს უჭერს ინიციატივის გაგრძელებას და ბატონმა (რუსეთის პრეზიდენტმა ვლადიმერ) პუტინმა წამოაყენა გარკვეული წინადადებები. ამ წინადადებების გათვალისწინებით, ჩვენ ვმუშაობთ გადაწყვეტაზე ორიენტირებულად“.

"(რუსეთი-უკრაინა) თუ მხარეები შემოგვთავაზებენ ან მიგვიღებენ შუამავლად, ჩვენ სიამოვნებით დავთანხმდებით ასეთ შუამავლობას“. - დასძინა თურქეთის პრეზიდენტმა.

მან ასევე დაამატა: „ჩვენ გავაგრძელებთ ჩვენს მჭიდრო დიალოგს ორივე მეზობელთან ინიციატივის გასავრცელებლად და კრიზისების გადასაჭრელად. როგორც ყოველთვის ვამბობთ, ომშს გამარჯვებული და მშვიდობას დამარცხებული არ ჰყავს. გვინდა, რომ ჩვენს რეგიონში მშვიდობის იმედი გავაცოცხლოთ“.

პრეზიდენტმა ერდოღანმა თქვა, რომ თურქეთი არის ქვეყანა, რომელიც ყოველთვის მხარს უჭერს ნატოს ღია კარის პოლიტიკას და დაამატა: „აქამდე ჩვენ თვითნებურად არ შეგვიშლია ხელი რომელიმე ქვეყნის ალიანსში გაწევრიანებისთვის“.

მან ასევე აღნიშნა, რომ შვედეთის ნატოში გაწევრიანების პროტოკოლების დამტკიცების უფლებამოსილება აქვს თურქეთის დიდ ეროვნულ მეჯლისს, რომელიც ეროვნული ნების წარმომადგენელია.

შვედეთში წმინდა ყურანის დაწვასთან დაკავშირებით პრეზიდენტმა ერდოღანმა თქვა: „ხალხის სიწმინდეზე თავდასხმა არ არის აზრის თავისუფლება, ეს არის ბარბაროსობა, ეს არის პრიმიტიულობა, ეს არის ერთგვარი ტერორისტული აქტი“. განაცხადა.

გაეროს ადამიანის უფლებათა საბჭოში წმინდა ყურანის დაწვის აქტის გმობის შესახებ კანონპროექტზე საუბრისას პრეზიდენტმა თქვა: „ქვეყნებმა, რომლებმაც ხმა არ მისცეს კანონპროექტს, უნდა გადახედონ თავიანთ გაგებას თავისუფლებისა და ადამიანის უფლებების შესახებ“.