სტოლტენბერგმა შვედეთის ნატოში გაწევრიანება შეაფასა

ნატოს გენერალურმა მდივანმა იენს სტოლტენბერგმა შვედეთის ნატოში გაწევრიანებასთან დაკავშირებით განაცხადა: „შესაძლებელია შვედეთი გახდეს ნატოს წევრი ვილნიუსის სამიტამდე“.

სტოლტენბერგმა გამართა ერთობლივი პრესკონფერენცია ნორვეგიის პრემიერ -მინისტრთან იონას გარ სტიორესთან, ნორვეგიის დედაქალაქ ოსლოში, სადაც 31 მაის-1 ივნისს ნატოს საგარეო საქმეთა მინისტრების არაფორმალური შეხვედრა გაიმართება და მან უპასუხა შვედეთის ნატოში გაწევრიანების შესახებ დასმულ კითხვებს.

სტოლტენბერგმა თქვა, რომ მადრიდის სამიტზე 2022 წლის ივნისში, ყველა მოკავშირემ მიიწვია შვედეთი ალიანსში გასაწევრიანებლად და დაამატა: „მე მჭიდრო კონტაქტი მაქვს თურქეთის ხელისუფლებასთან, რათა შვედეთი გახდეს წევრი რაც შეიძლება მალე. მე  არაერთხელ ველაპარაკე პრეზიდენტ რეჯეფ თაიფ ერდოღანს ამ საკითხზე“.

სტოლტენბერგმა განაცხადა, რომ ისინი აპირებენ გადაწყვეტილების მიღებას 11-12 ივლისს ლიეტუვის დედაქალაქ ვილნიუსში გასამართ ნატოს სამიტამდე და დაამატა: „ეს არ არის გარანტია, მაგრამ გადაწყვეტილების მიღწევა და შვედეთის სრულუფლებიანი წევრობისთვის ვილნიუსის სამიტამდე გადაწყვეტილების მიღება ნამდვილად შესაძლებელია“.

კითხვაზე, იყო თუ არა გზავნილი ის ფაქტი, რომ თურქეთი საგარეო საქმეთა მინისტრის დონეზე არ იყო წარმოდგენილი ოსლოში გამართულ შეხვედრაზე, სტოლტენბერგმა თქვა, რომ თურქეთის დიდი ეროვნული მეჯლისის არჩევნების შემდეგ ამ კვირაში მოვალეობის შესრულების დაწყებას ელოდება და  რომ საგარეო საქმეთა მინისტრმა მევლუთ ჩავუშოღლუმ ამის გამო ვერ შეძლო ოსლოში ნატოს საგარეო საქმეთა მინისტრების შეხვედრაზე დასწრება.

"მე არ ვფიქრობ, რომ აქ არის პოლიტიკური გზავნილი. ეს არის აბსოლუტურად ნორმალური მიზეზი იმისა, რომ მას არ შეუძლია შეხვედრაზე დასწრება". - განაცხადა ნატოს გენერალურმა მდივანმა.

მან ხაზგასმით აღნიშნა, რომ თურქეთს აქვს ლეგიტიმური შეშფოთება უსაფრთხოებასთან დაკავშირებით და რომ ეს არის ქვეყანა, რომელსაც ყველაზე მეტი ზიანი მიადგა ტერორიზმისგან ნატოს მოკავშირეებს შორის. სტოლტენბერგის თქმით, შვედეთი და ფინეთი ახლა უფრო მეტ ინფორმაციას უზიარებენ ნატოს ყველა ქვეყანას ტერორიზმთან ბრძოლისთვის.

"შვედეთის წევრობაზე გარკვეული არაფერია. ეროვნული ასამბლეები წყვეტენ რატიფიკაციას დომინანტურად. შესაძლებელია შვედეთი გახდეს ნატოს წევრი ვილნიუსის სამიტამდე, რადგან თურქეთში არჩევნების შემდეგ ფანჯარა გაიხსნა და პარლამენტი იქმნება. ჩვენ ვმუშაობთ იმისთვის, რომ გაწევრიანება რაც შეიძლება მალე მოხდეს“. - აღნიშნა სტოლტენბერგმა.