გერმანია უკრაინას ევროკავშირის წევრობის საკითხში მხარს უჭერს

გერმანიის კანცლერმა ოლაფ შოლცმა მხარი დაუჭირა უკრაინას ევროკავშირში გაწევრიანებაში და მოუწოდა ბრძოლა გააგრძელოს ევროპული მომავლისთვის.

ოლაფ შოლცმა ამის შესახებ, „სოციალ-დემოკრატიული პარტიის“ 160 წლის იუბილესადმი მიძღვნილ ღონისძიებაზე განაცხადა.

„ჩვენი კონტინენტის ისტორიის მწარე პერიოდი, რომელიც რუსეთის პრეზიდენტმა, ვლადიმერ პუტინმა შექმნა თავისი იმპერიალისტური სიგიჟით, სუვერენული უკრაინის ევროკავშირში სრულუფლებიან წევრად გაწევრიანებით დასრულდება“, – აღნიშნა ოლაფ შოლცმა.

კანცლერმა ბოლოს, კიდევ ერთხელ მტკიცედ აღნიშნა, რომ ისინი გააგრძელებენ უკრაინელი ერის მხარდაჭერას, რომლებიც იცავენ თავიანთ თავისუფლებას.