უკრაინის პრეზიდენტი ზელენსკი გერმანიაში ჩავიდა

უკრაინის პრეზიდენტი ზელენსკი გერმანიაში ჩავიდა

უკრაინის პრეზიდენტი ვოლოდიმირ ზელენსკი ბერლინში გერმანიის პრეზიდენტს ფრანკ-ვალტერ შტაინმაიერს შეხვდა.

ზელენსკი, რომელიც პირველად ეწვია გერმანიას 2022 წლის 24 თებერვლის, უკრაინის წინააღმდეგ რუსეთის მიერ ომის დაწყების შემდეგ, შტაინმაიერმა დედაქალაქ ბერლინში პრეზიდენტის სასახლეში, შლოს ბელევუში, მიიღო.

უკრაინის პრეზიდენტმა ჩანაწერი გააკეთა პრეზიდენტის სპეციალურ წიგნში, რის შემდეგაც შტაინმაიერთან პირისპირი შეხვედრა გამართა.

ზელენსკი ასევე შეხვდა გერმანიის კანცლერ ოლაფ შოლცს.

შოლცმა ზელენსკი სამხედრო ცერემონიით მიიღო. მათ პირისპირი და დელეგაციების შეხვედრების შემდეგ ერთობლივი პრესკონფერენცია გამართეს.

უკრაინის პრეზიდენტ ზელენსკისთვის დედაქალაქ ბერლინში უსაფრთხოების მკაცრი ზომები მიიღეს.

ზელენსკის ვიზიტის ფარგლებში დაიკეტა ბერლინის საჰაერო სივრცე და გზები პრეზიდენტის სასახლის და პრემიერ-მინისტრის ოფისის მიმდებარედ.

რეგიონის ზოგიერთ შენობაში სნაიპერები განთავსდა, უსაფრთხოების ზომებს გზებზე პოლიციელები იცავდნენ, ჰაერში კი ვერტმფრენები.

გერმანული პრესის ცნობით, ზელენსკი რომიდან გერმანიის საჰაერო ძალების კუთვნილი A319 თვითმფრინავით წაიყვანეს და ბერლინში შუაღამისას ჩავიდა. თვითმფრინავს, რომელსაც ზელენსკი გადაჰყავდა, თან ახლდა ორი Eurofighter-ის მოიერიშე თვითმფრინავი, რომლებიც აფრინდნენ ბავარიის ლეხფელდის ავიაბაზიდან.