მალაიზიაში მეწყერის ჩამოწოლის შედეგად მრავალი ადამიანი დაიღუპა

მალაიზიაში ბანაკში მეწყერის ჩამოწოლის შედეგად 16 ადამიანი დაიღუპა, 17 კი გაუჩინარდა. ოფიციალური პირების განცხადებით, მეწყერი ქალაქ კუალა-ლუმპურის ჩრდილოეთით ბატანგ კალიში განთავსებულ ბანაკში ჩამოწვა. მათივე განცხადებით, ბანაკში სავარაუდოდ 94 ადამიანი იმყოფებოდა, რომელთაგან 16 გარდაიცვალა, 17 კი გაუჩინარებულია. ადგილზე, სამძებრო-სამაშველო სამუშაოები გრძელდება.