მაკრონ-ზელენსკის შორის სატელეფონო საუბარი გაიმართა

საფრანგეთის პრეზიდენტი ემანუელ მაკრონი, უკრაინის პრეზიდენტს ვოლოდიმირ ზელენსკის ტელეფონით ესაუბრა.

ელისეის სასახლის განცხადებით, სატელეფონო საუბრის დროს მაკრონმა კიდევ ერთხელ დაადასტურა საფრანგეთის სოლიდარობა უკრაინის მიმართ და მხარი დაუჭირა უკრაინის 10-პუნქტიანი სამშვიდობო ფორმულის წინადადებას.

ამავე ინფორმაციით, მაკრონმა და ზელენსკიმ სატელეფონო საუბრის დროს ასევე განიხილეს უკრაინელ ხალხთან სოლიდარობისა და უკრაინის აღდგენის კონფერენციებისთვის მზადება, რომელიც ხვალ პარიზში გაიმართება.