ანდერსონი: "მოუთმენლად ველი თურქეთთან დიალოგის გაგრძელებას"

შვედეთის პრემიერ-მინისტრმა, მაგდალენა ანდერსონმა თქვა, რომ მისი ქვეყნის ნატოში გაწევრიანების პროცესში პრობლემის მოგვარებამდე მოუთმენლად ელის თურქეთთან დიალოგის გაგრძელებას.

მაგდალენა ანდერსონი, ფინეთის პრემიერ-მინისტრი სანა მარინი და ნორვეგიის პრემიერ-მინისტრი იონას გაჰრ სტორე შვედეთის ქალაქ სოდერტალიეში აქტუალური საკითხების განსახილველად შეიკრიბნენ.

შეხვედრის შემდეგ გამართულ პრესკონფერენციაზე ანდერსონი თურქეთსა და შვედეთს შორის ნატოს საკითხზე მოლაპარაკებებს შეეხო.

მან აღნიშნა, რომ ინტენსიური მუშაობა გრძელდება ნატოს წევრობის პროცესზე და დაამატა: "ჩვენ ფინეთთან ერთად ვმოქმედებთ. პრობლემის მოგვარებამდე მოუთმენლად ველით თურქეთთან დიალოგის გაგრძელებას“.

მარინმა ხაზგასმით განაცხადა, რომ მნიშვნელოვანია გადაწყვეტილების მიღწევა ნატოს სამიტამდე, რომელიც ესპანეთის დედაქალაქ მადრიდში თვის ბოლოს გაიმართება.

მისი თქმით, თუ ორი კვირის განმავლობაში გამოსავალი არ მიძებნა, არსებობს პროცესის გაყინვის რისკი.

„ახლა არის იმპულსი, მნიშვნელოვანია, რომ წინ წავიწიოთ ამ პროცესში. ჩვენ სერიოზულად ვუყურებთ საკითხებს და ვაგრძელებთ დიალოგს“. - თქვა სანა მარინიმ.