დავიდ სასოლი გარდაიცვალა

ევროპარლამენტის პრეზიდენტი დავიდ სასოლი 65 წლის ასაკში, იტალიის ავიანოს მუნიციპალიტეტის საავადმყოფოში გარდაიცვალა. აღნიშნულის შესახებ ინფორმაციას,  სასოლის სპიკერი რობერტო კუიოზე  ავრცელებს.

ცნობისათვის, ევროპარლამენტის პრეზიდენტი პნევმონიის გამო სექტემბერში ჰოსპიტალიზირებული იყო. იგი დიდი ხნის განმავლობაში ვერ ხელმძღვანელობდა სესიებს და არ დასწრებია მაღალი დონის შეხვედრებს, როგორიცაა ევროკავშირის სამიტები.