ვერტმფრენის ჩამოვარდნის შედეგად 5 ჯარისკაცი დაიღუპა

სამხრეთ ამერიკის ქვეყანა პერუში, სამხედრო ვერტმფრენის ჩამოვარდნის შედეგად 5 ჯარისკაცი დაიღუპა. პერუს საჰაერო ძალების (FAP) განცხადებაში ნათქვამია, რომ MI-171SH ტიპის ვერტმფრენი, რომელიც აფრინდა დედაქალაქ ლიმას ხორხე ჩავესის საერთაშორისო აეროპორტიდან ქალაქ პუკალპასკენ წასასვლელად, უაროჩირის პროვინციაში ჩამოვარდა.

სააგენტო Sputnik-ის მიერ გავრცელებული ინფორმაციით, მომხდარის შედეგად 5 ჯარისკაცი დაიღუპა. შემთხვევის გამომწვევ მიზეზებთან დაკავშირებით გამოძიება დაიწყო.