ალჟირში ტყის ხანძრების შედეგად დაღუპულთა რიცხვი გაიზარდა

ალჟირის მთავრობის მხრიდან გავრცელებული ინფორმაციის თანახმად, ქვეყანაში მძვინვარე ტყის ხანძრების შედეგად ბოლო მონაცემებით 69 ადამიანი მათ შორის 28 სამხედრო მოსამსახურე დაიღუპა. 

ქვეყნის პრემიერ-მინისტრმა აიმან ბინ აბდურრჰამანმა საზოგადოებრივ მაუწყებელთან ინტერვიუს დროს განაცხადა, რომ ხანძრის შედეგად 69 ადამიანი, მათ შორის 28 ჯარისკაცი დაიღუპა. მისივე თქმით, ტყის ხანძრების ჩასაქრობად დახმარების თხოვნით ევროკავშირს უკვე მიმართეს.

ქვეყანაში 3 დღიანი გლოვაა გამოცხადებული.

ალჟირის ოფიციალური საინფორმაციო სააგენტო APS-ს ინფორმაციით, ქვეყანაში 18 პროვინციაში 71 ხანძრის კერაა გაჩენილი.