მიანმარში სამხედრო თვითმფრინავის ჩამოვარდნის შედეგად 13 ადამიანი დაიღუპა

მიანმარში სამხედრო თვითმფრინავის ჩამოვარდნის შედეგად, პირველადი მონაცემებით, 13 ადამიანი დაიღუპა, 16 კი დაშავდა.

მანდალაის სახანძრო დეპარტამენტის მიერ გაკეთებულ განცხადებაში ნათქვამია, რომ გუშინ შუადღისას მანდალაში კატასტროფა განიცადა და ფოლადის ქარხნის თავზე ჩამოვარდა სამხედრო თვითმფრინავი, რომელსაც 16 სამხედრო პერსონალი გადაჰყავდა.

პირველადი მონაცემებით, ავიაკატასტროფის შედეგად დაიღუპა 13 ადამიანი, 16 კი დაშავდა.