სომალიში პრეზიდენტის სასახლეს თავს შეიარაღებული პირები დაესხნენ

სომალიში პრეზიდენტის სასახლეს თავს შეიარაღებული პირები დაესხნენ.

კომისერ მუჰამედ ჰუსეინის განცხადებით, სომალის პრეზიდენტის სასახლეზე და ოფისზე თავდამსხმელი 5 შეიარაღებული პირი სასახლის გარეთ მყოფ უსაფრთხოების ძალებსაც თავს დაესხა.

მისივე თქმით, უსაფრთხოების ძალებმა თავდასხმა მოიგერიეს და სამი შეიარაღებული პირი გაანეიტრალეს.

კომისერმა მუჰამედ ჰუსეინმა ასევე დასძინა, რომ თავდამსხმელთაგან ორი რეგიონში ერთ-ერთ სასტუმროსთან ახლოს მდებარე პარკში გაიქცა, თუმცა მათ სასტუმროში შესვლა ვერ მოახერხეს და შეიარაღებული შეტაკებები გრძელდება.