ინდონეზიაში პალესტინის მხარდამჭერი აქცია გაიმართა

აშშ-ს მხრიდან საელჩოს თელ-ავივიდან იერუსალიმში გადატანის გადაწყვეტილება,  ინდონეზიაში გააპროტესტეს და პალესტინელებისადმი მხარდაჭერა გამოხატეს. დედაქალაქ   ჯაკარტაში თავისუფლების მოედანზე გამართულ საპროტესტო აქციაში ათასობით ადამიანმა მიიღო მონაწილეობა. აქციის მონაწილეები  ანტიამერიკულ ლოზუნგებს გაიძახოდნენ და  „ბეით ალ-მაკდისი ჩვენია“, „უკან დაიხიე“, „თავისუფლება იერუსალიმს“, „დაიცავი იერუსალიმი“ წარწერებიანი ტრანსფარანტებით გამოვიდნენ. საპროტესტო აქციაში მონაწილეებმა ბოლოს,  პალესტინისათვის შესაწირებიც  გაიღეს.