არაკანში ერთი თვის განმავლობაში 6700-ზე მეტი მუსლიმანი მოკლეს

ექიმები საზღვრებს გარეშე ორგანიზაციის მიერ გავრცელებული ინფორმაციით, მიმდინარე წლის აგვისტოს თვეში მიანმარის არაკანის პროვინციაში  ერთი თვის განმავლობაში 6700-ზე მეტი მუსლიმანი მოკლეს. მათივე ანგარიშით  მოკლულთაგან 69%-ი სროლის შედეგად, 9%-ი დაწვით, ხოლო 5%-ი ცემით იქნა მოკლული. ორგანიზაცია ასევე იტყობინება, რომ მოკლულთაგან სულ მცირე 730 ხუთ წლამდე მცირეწლოვანი ბავშვია.  ამავე ორგანიზაციის ინფორმაციით, რელიგიური და ეთნიკური ნიშნით დევნის გამო, მიანმარიდან ბანგლადეშში 647ათასზე მეტი არაკანელი გაიქცა.