კოლუმბიაში წყალდიდობის შედეგად დაღუპულთა რიცხვი გაიზარდა

კოლუმბიის პრეზიდენტის ხუან მანუელ სანტოსის განცხადებით, ქალაქ მოკოაში მომხდარი წყალდიდობის შედეგად დაღუპულთა რიცხვმა 293-ს მიაღწია. „სამწუხაროდ წყალდიდობის შედეგად დაღუპულების რიცხვი ყოველდღიურად მატულობს. ბოლო მონაცემებით 293 ადამიანი დაიღუპა და მათ შორის 195-ს ცხედარი ოჯახებს უკვე გადაეცა,“ განაცხადა სანტოსმა.  პრეზიდენტმა წყალდიდობის შედეგად მიყენებული ზარალის შესახებ ინფორმაციაც მიაწოდა და აღნიშნა, რომ მომხდარის შედეგად დაშავებულების რიცხვმა 332-ს მიაღწია და მათ შორის 119 მკურნალობის შემდეგ უკვე გაეწერა. მეორეს მხრივ სანტოსმა სოციალური ქსელის მეშვეობით გავრცელებულ განცხადებაში წყალდიდობის შემდეგ  არაბეთის გაერთიანებულ საემიროებს გაწეული დახმარებისათვის მადლობა გადაუხადა.