თავდაცვის მრეწველობის აღმასრულებელი კომიტეტი პრეზიდენტის თავმჯდომარეობით შეიკრიბა

თავდაცვის მრეწველობის აღმასრულებელი კომიტეტი პრეზიდენტ რეჯეფ თაიფ ერდოღანის თავმჯდომარეობით შეიკრიბა.

პრეზიდენტის კომუნიკაციების დირექტორატის განცხადებით, შეხვედრაზე, სადაც შეფასდა თურქეთის თავდაცვის ინდუსტრიის მიერ მიღწეული დონე, სამომავლო მიზნები და კრიტიკული პროექტები, მიღებული იქნა გადაწყვეტილებები სამხედრო გემების პროექტების ფარგლებში ავიამზიდის დიზაინის ეტაპის, MİLGEM 9-10-11-12 (I კლასის ფრეგატების) გემების, ღია წყლების საპატრულო გემების, ახალი ტიპის სადესანტო გემების, ახალი თაობის ნაღმზე სანადირო გემების და ეროვნული მოიერიშე გემების მშენებლობასთან დაკავშირებით.

შეხვედრაზე განიხილეს და გადაწყდა პროექტები, რომლებიც მიზნად ისახავს ინვენტარში ახალი უპილოტო საფრენი აპარატების İHA/SİHA-ების დამატებას, ახალი შესაძლებლობების და ლოგისტიკური მხარდაჭერის უზრუნველყოფას.

შეხვედრაზე კიდევ ერთხელ ხაზგასმით აღინიშნა „თურქეთის საუკუნეში“ სრულიად დამოუკიდებელი თავდაცვის ინდუსტრიისთვის გადასადგმელი კრიტიკული ნაბიჯები და აღინიშნა, რომ ისევე როგორც დღემდე საქმიანობა მომავალშიც გაგრძელდება მტკიცედ და მონდომებით, ადგილობრივი და ეროვნული ტექნოლოგიების გამოყენებით.