აფრიკაში როტავირუსით ყოველდღიურად 330-ზე მეტი ბავშვი იღუპება

აფრიკაში როტავირუსით ყოველდღიურად 5 წლამდე 330-ზე მეტი ბავშვი იღუპება. ნიგერიის ჯანდაცვის და სოციალური კეთილდღეობის მინისტრმა მუჰამედ ალი პატემ ისაუბრა სიმპოზიუმზე თემაზე „როტავირუსის დაავადებათა კონტროლი აფრიკაში“.

პატემ განაცხადა, რომ სუბ-საჰარის აფრიკაში ბავშვების უმეტესობა ინფიცირებულია როტავირუსით, რომელიც იწვევს ნაწლავურ ინფექციას და დიარეას და აქვს გავრცელების ძალიან მაღალი მაჩვენებელი, სანამ ისინი 18 თვის გახდებიან.

მისივე თქმით, ეს ქმნის მნიშვნელოვან ტვირთს ოჯახებსა და ჯანდაცვის სისტემებზე.