Tesla ჩინეთში "მეგაპაკის" წარმოებისთვის ფაბრიკას ააგებს

ელექტრომობილებისა და ბატარეების ამერიკული მწარმოებელი Tesla, ენერგიის შესანახი ერთეულების წარმოებისთვის, ჩინეთის ქალაქ შანხაიში  ფართომასშტაბიან ობიექტს შექმნის.

Xinhua-ს ინფორმაციით, დღეს შანხაიში ხელმოწერის ცერემონია გაიმართა პროექტზე, რომელსაც საძირკველი მიმდინარე წლის მესამე კვარტალში ჩაეყრება.

კომპანია ქარხანაში, რომლის ამოქმედებაც 2024 წლის მეორე კვარტალში იგეგმება, დაიწყებს ლითიუმ-იონური ბატარეის ერთეულებს წარმოებას, რომლის სახელწოდებაცაა "Megapack"-ი და რომელსაც შეუძლია შეინახოს დაახლოებით 4 მეგავატ/სთ ელექტროენერგია.

ფაბრიკა მიზნად ისახავს წელიწადში 10 ათასი ერთეულით სულ 40 გიგავატ-საათის ენერგიის შესანახი სიმძლავრის წარმოებას.

Tesla-ს ამჟამად კიდევ აქვს „მეგა ქარხანა“ აშშ-ს ქალაქ ლათროპში, რომელსაც შეუძლია წელიწადში 10 000 მეგაპაკის წარმოება.

კომპანია ასევე გეგმავს შანხაიში მდებარე „გიგა ქარხნის“, რომელსაც შეუძლია წელიწადში 1 მილიონი ელექტრომობილის წარმოება, დამატებით 450 ათასი ტევადობით გაფართოებას.