ჯანმოს განცხადებით, კოვიდ-19-ის შემთხვევების ზრდის ტემპი 30 პროცენტამდე გაიზარდა

ჯანდაცვის მსოფლიო ორგანიზაციამ (WHO) განაცხადა, რომ ბოლო ორი კვირის განმავლობაში მსოფლიოში ახალი ტიპის კორონავირუსის (კოვიდ-19) შემთხვევების ზრდის ტემპი 30 პროცენტამდე გაიზარდა. ჯანდაცვის მსოფლიო ორგანიზაციის გენერალურმა დირექტორმა ტედროს ადანომ გებრეისუსმა, ჟენევაში ორგანიზაციის შტაბ-ბინაში გამართულ პრესკონფერენციაზე განაცხადა, რომ ბოლო კვირებში კოვიდ-19-ის შემთხვევების ზრდის ტემპი ჯანმო-ს 6 რეგიონიდან, ოთხში დაფიქსირდა.

„კოვიდ-19-ის შემთხვევები მსოფლიოს მასშტაბით ბოლო ორი კვირის განმავლობაში დაახლოებით 30 პროცენტით გაიზარდა. კოვიდ-19-ის ზრდის ტემპის შესაჩერებლად მთავრობებმა, მეცნიერებმა, ვაქცინების მწარმოებლებმა, ჯანმო-მ და მოქალაქეებმა უნდა აიღონ შესაბამისი პასუხისმგებლობა და მათზე დაკისრებული ვალდებულება შეასრულონ“, - განაცხადა გებრეისუსმა.