ჩრდილოეთ კორეაში კოვიდით დაავადებულთა რიცხვი ორ მილიონს უახლოვდება

ჩრდილოეთ კორეაში, რომელიც ამტკიცებდა, რომ დაწყების დღიდან ბოლო დრომდე არ გავრცელებულა ახალი ტიპის კორონავირუსის (კოვიდ-19) ეპიდემია,  დაავადების შემთხვევების რაოდენობამ 2 მილიონს მიაღწია.

ჩრდილოეთ კორეის ცენტრალური საინფორმაციო სააგენტოს (KCNA) ინფორმაციით, ბოლო 24 საათის განმავლობაში 262 ათას 270 ადამიანს აღენიშნებოდა მაღალი სიცხე, ამგვარად, მაღალი ტემპერატურის მქონე ადამიანების რაოდენობა ქვეყანაში აპრილის ბოლოდან დღემდე 1 მილიონ 980 ათასამდე გაიზარდა.

ჩრდილოეთ კორეაში, სადაც ბოლო 24 საათის განმავლობაში ეპიდემიის გამო კიდევ 1 ადამიანი დაიღუპა, გარდაცვლილთა რიცხვმა 63 შეადგინა.

მაღალი სიცხის სიმპტომის მქონე დაავადებულთაგან დაახლოებით 1,2 მილიონი გამოჯანმრთელდა, ხოლო 740 ათას 160 ადამიანი იზოლირებულია.

13 მაისს გამოცხადდა, რომ ქვეყანაში 6 ადამიანი დაიღუპა და ოფიციალურად გავრცელდა ინფორმაცია, რომ ამ ადამიანებიდან მხოლოდ ერთი გარდაიცვალა კოვიდ-19-ის ომიკრონის ვარიანტით.

ჩრდილოეთ კორეაში ეპიდემიამ, სადაც ჯანდაცვის სისტემა არც თუ ისე კარგია და ხალხი არ არის აცრილი კოვიდ-19-ის წინააღმდეგ, შეიძლება ჰუმანიტარული კრიზისი გამოიწვიოს.

ჩრდილოეთ კორეამ უარყო მილიონობით დოზის შეთავაზება, რომელიც გაკეთდა ჯანდაცვის მსოფლიო ორგანიზაციის  Covid-19 ვაქცინების გლობალური წვდომის პროგრამის (COVAX) მიერ  და მიზნად ისახავს უზრუნველყოს ვაქცინების თანაბარი ხელმისაწვდომობა დაბალი და საშუალო შემოსავლის მქონე ქვეყნებისთვის.

ჩრდილოეთ კორეა აცხადებს, რომ ეპიდემია არ გავრცელდა ქვეყანაში მტკიცე ზომების წყალობით. ვრცელდება ინფორმაცია, რომ საზღვრების დახურვამ სერიოზული დარტყმა მიაყენა ქვეყნის ეკონომიკას.