აშშ-ის სახელმწიფო დეპარტამენტმა ეგვიპტესთან დადებული სამხედრო გარიგება დაამტკიცა
ეს გარიგება მოიცავს 2,555 მილიარდი ღირებულების სამხედრო შესყიდვას
აშშ-ის სახელმწიფო დეპარტამენტმა დაამტკიცა ეგვიპტესთვის 2,555 მილარდი დოლარის ღირებულების სამხედრო გარიგება, საიდანაც 2,2 მილიარდი მოიცავს C-130J Super Hercules ტიპის სატვირთო თვითმფრინავების, ხოლო 355 მილიონი კი, საჰაერო თავდაცვის რადარებისა და მასთან დაკავშირებული აღჭურვილობის მიყიდვას. ამის შესახებ ნათქვამია აშშ-ის თავდაცვისა და უსაფრთხოების თანამშრომლობის სააგენტოს წერილობით განცხადებაში. “კონგრესს გაეგზავნა შეტყობინება სამხედრო გარიგების დამტკიცების შესახებ, რომელიც მოიცავს 12 ერთეული C-130J ტიპის სატვირთო თვითმფრინავის, 12 სათადარიგო ძრავის, გენერატორების, საჰაერო რადარებისა და სხვა დამხმარე აღჭურვილობის ეგვიპტისათვის მიყიდვას“. თუ აშშ-ის კონგრესი არ გააპროტესტებს დეპარტამენტის ამ გადაწყვეტილებას, მაშინ მომდევნო 30 სამუშაო დღის განმავლობაში ადმინისტრაცია დაიწყებს მოლაპარაკებებს იმ ქვეყანასთან, რომელთანაც დადებულია ეს გარიგება. ამ მოლაპარაკებების დასასრულს, აშშ-ი ამ ქვეყანას სთავაზობს შეთავაზების წერილს და თუ მყიდველი ქვეყნისგან დადებით პასუხს მიიღებს, მის კვალდაკვალ შესყიდვის პროცესი დაიწყება.
მსგავსი ინფორმაციები
ევროპარლამენტმა ნარჩენების შესამცირებლად კიდევ ერთი მნიშვნელოვანი ნაბიჯი გადადგა
ევროპარლამენტმა ნარჩენების შესამცირებლად კიდევ ერთი მნიშვნელოვანი ნაბიჯი გადადგა