იუნესკომ მსოფლიო მემკვიდრეობის სიაში 42 ადგილი დაამატა

გაეროს განათლების, მეცნიერებისა და კულტურის ორგანიზაციის (იუნესკოს) მსოფლიო მემკვიდრეობის სიაში 42 ახალი ტერიტორია დაემატა, ამჟამად სიაში არსებული 5 ტერიტორია კი გაფართოვდა.

იუნესკოს მსოფლიო მემკვიდრეობის კომიტეტმა, რომელიც შედგება გაეროს გენერალური ასამბლეის მიერ არჩეული 21 ქვეყნის წარმომადგენლისგან, საუდის არაბეთის დედაქალაქ რიადში გამართა შეხვედრა, რათა შეესწავლა მსოფლიო მემკვიდრეობის სიაში შესატანი ტერიტორიები და შეემოწმებინა მსოფლიო მემკვიდრეობის სიაში არსებული საფრთხის ქვეშ მყოფი ძეგლების დაცვის მდგომარეობა.

იუნესკოს მსოფლიო მემკვიდრეობის კომიტეტის გაფართოებულ 45-ე სესიაზე 42 ახალი მემკვიდრეობის ძეგლი, 33 კულტურული და 9 ბუნებრივი, მსოფლიო მემკვიდრეობის სიაში შევიდა.

დაფიქსირებული ადგილებიდან 15 არის ევროპაში, 12 აზიაში, 6 აფრიკაში, 6 ჩრდილოეთ და სამხრეთ ამერიკაში და 3 ახლო აღმოსავლეთში.

აღინიშნა, რომ ეს არის1982 წლიდან დღემდე ყველაზე დიდი გაფართოება, რომელიც ერთ სესიაზე მოხდა.